खादी कार्यकर्ता

नाग विदर्भ चरखा संघ संस्थेची सुरूवात सावली येथून महात्मा गांधींनी ग्रामोव्दाराचा संकल्प भारताला दिला. नर्मदा प्रसाद अवस्थी यांच्या पुढाकाराने १९२७मध्ये गावात खादी भंडारची सुरुवात झाली. पुढे १९५८पासून खादी ग्रामोद्योग कमिशनअंतर्गत नाग विदर्भ चरखा संघांतर्गत हे कार्यालय आले. शंभर वर्षांपासून चंद्रपूर जिल्ह्यातील हे तालुक्याचे गाव खादी परिवाराशी जुळले आहे. खादी चळवळीची माऊली म्हणून सावली पुढे आले आहे. चंद्रपूरपासून ४५ किलोमीटर अंतरावर सावली हे स्वातंत्र्यपूर्व काळातील ग्रामोद्योग चळवळीचे केंद्र होते. या गावामध्ये १९३६मध्ये अखिल भारतीय गांधी सेवा संघाचे अधिवेशन घेण्यात आले होते. महात्मा गांधींनी स्वातंत्र्यपूर्व काळात दोन वेळा या गावाला भेट दिली. त्यांची प्रथम भेट १४ नोव्हेंबर १९३३ रोजी झाली. तर दुसरी भेट २७ फेब्रुवारी १९३६ रोजी. २७ फेब्रुवारी ते ५ मार्चपर्यंत महात्मा गांधी याठिकाणी मुक्कामी होते. सात दिवस सावली ही देशाची राजकीय राजधानी झाली होती. सावलीच्या नाग विदर्भ चरखा संघाच्या आवारात या भारावलेल्या वातावरणाची अनुभूती येते. सावलीच्या भूमीत ठिकठिकाणी समर्पण आणि त्यागाची उदाहरणे बघायला...